صينية التوست بالخضار .. لذيذهـ وادمان من 12 سنه P:

المقادير ::

خلطة باشميل على طريقتك .. او على طريقتي كاتبتها تحت

كيس توست

كيس خضار مشكله  وسط او اذا كبير حطي نصه

بصل مفروم

دجاج مفروم

بهار ( فلفل وثوم مدقوقين ااو افرميهم + شوي كمون وشوي فلفل اسود مطحونين + نص ملعقه كزبره مطحونه + نص ملعقه كاري )  + مكعب ماجي ..

 

نكشن البصل بشوي زيت لين يتحمر .. نرمي عليه البهار والماجي .. وونحط نص فنجان مويه على البهار حتى ماينحرق

 



  

نغسل الدجاج ونصفيه ونضيفه على البهار والبصل .. ونقلبه شوي ونغطيه لين يستوي نص استوا ..

 

 

نضيف الخضار المثلجه على الدجاج ونقلبهم ونضيف شوي مويه حتى تستوي بدون ماينحرق الدجاج ..

 

ونغطيه ونقلبه بين فتره وفتره لين تنشف مويته وتستوي الحشوه ..

 

 

 نسوي خلطة الباشميل .. ومقااديري ( نص كوب دقيق + بيالة شاي زيت + تجيبون جيك او جاك  وتحطون فيه خمس ملاعق حليب بودره + مكعب ماجي + بيضه + كاستين ونص مويه  .. وتخفقون المقادير بيدكم وهي بالجاك وتخلونها ع جنب ) تحطون الزيت بقدر  وتولعون عليه النار ولا بدا يسخن حطو الدقيق وقلبو بسرعه بالملعقه وجيبو الخلطه الي بالجاك .. وبيدكم الخفاقه اليدويه حطو الخلطه  ع الدقيق وخلو النار اوطى شي وخفقو لين تبدا تثقل المقادير وطفو عليها ) ..

 احلى باشميل بالنسبه لي ..

 

المهم تاخذون شوي من الباشميل وتدهنون فيه الصينيه مثل ماهو واضح ..

 

نبدا نرص حبات التوست جنب بعض ولاتتركون فراغات حاولو تقطعون قطع من الباشميل وتحشون الفراغات ..

 

هنا صفينا الطبقه الاولى من التوست بهالشكل ..

 

نحط حشوة الخضار والدجاج على وجهه التوست بهالشكل ..

 

 

ونحط شوي من الباشميل وانتبو مو كله لان باقي ندهن اخر طبقه برضو باشميل .. المهم ناخذ  شوي ونوزعه فوق الخضار ونساويه ..

 

 

ونبدا نرص طبقة توست ثانيه فوق الخضار ..

 

 

واذا خلصنا من رص التوست وننتبه  للفراغات نحط باقي  الباشميل كله ع التوست ..

 

 

نساوي وجهه الصينيه وندخلها الفرن وهو حار من تحت ربع ساعه .. ومن بعدها نولع عليها من فوق لين يتحمر وجهه ..

 



وهذي هي بعد ماطلعناها من الفرن نخليها تبرد شوي ونقطعها ..

 

وهنا بعد ماقطعناها .. ويمي ادمان لاتفوتكم .. وبالعافيه عليكم :)