اندومي بالخضار .. طريقه غير .. وطعم غير .. =)

المقادير .. 

 بطاطس مقطعه مكعبات + شوي خضار مثلجه  + بصل جوانح + اندومي العدد الي يناسبك + بهار الاندومي ( وشوي بهار كاري + شوي فلفل اسود مطحون وشوي كمون وشوي كزبره مطحونه + شوي كركم )

 

 

 اسلق الخضار ثلاث ارباع استوا .. االمهم لاتستوي مره البطاطس ..

 

 

 احط البصل بالصاج مع الزيت

 

 

واول ما يسخن الزيت احط الخضار واقلبهم بشويش مع البصل بدون ماتغطين حتى يتشوحون

 

 

واول ما يبدا البصل والبطاطس ياخذ اللون الذهبي احط البهار كله حتى بهار الاندومي ومايحتاج نملح لان بهار الاندومي مملح

 

نقلبهم بشويش لين يتوزع البهار كله بالخضار

 

ونكون سالقين الاندومي بمويه حاره وبرضو نص او ثلاث ارباع استوا حتى ماتتعجن معنا ..واسلقيها قبل ماتحطين البهار حتى ماينحرق البهار وانتي باقي ماحطيتي الاندومي .. المهم صفوها وحطوها ع الخضار

 

نقلب بخفه لين يتوزع البهار بالاندومي ويكون بـ هالشكل ..

 

ونطفي عليها ونقدمها  .. ويم يمي تمتعي بـ الذ اندومي =)

 

وهنا من قريب .. ودعواتكم لو اعجبتكم =)



معجنات * معجنات .. اكواب الخضار + سينبونات مالحه =)

اكواب الخضار ..

 

العجينه تشبهه عجينتي العاديه بالمعجنات .. والبيكنج بودر احط شي بسيط او الغيه .. واضيف بهارر وبطاطس مهروسه ..

 والطريقه مكتوبه تحت .. ( وراح اكتب عجينتي )

 

(( والشرح بالتفصيل ))

 

V

 

هنا دهنت الصينيه زيت واقطع العجينه لكور حجمها وسط واحط بكل حفره كوره وابدا افردها ع الاطراف واجوفها حتتى تتشكل لي مثل الاكواب

 

 

 

 

احط الحشوه وفوقها شوي جبن موزريلا

 

وفي الفرن من تحت لين تتحمر اطرافها وبعدين من فوق لين تذوب الجبنه  =)

 

وبس بالعافيه ^_^

 

 

 

( طريقة عجينتي )

 

مقاديرها كاسين دقيق + اربع ملاعق حليب او خمس +  ملعقه كبيرره بيكنج بودر +وملعقه كبيره خميره + وملعقه ونص سكر وملح حركيهم .. مع بعض وحطي نص كاسه زيت واضيفي الزيت وبقي الربع واعجني افركيي الزيت بكل الدقيق راح يضيع مع الدقيق وابدئي ضيفي المويه شوي شوي لين تحسين انها انعجنت بس راح تلزق قومي اضيفي شوي من الزيت الباقي براحة يدك واعجني عشان ماتلززق وتتلم معك ومو لازم كل الزيت الباقي تحطينه المهم لين تتلم معك وخليها ترتاح نص ساعه

 

هالعجينه اسوي بها خلية نحل .. معجنات .. سينبون ..  بيتزا معتمدتها لكل شي .. ( ان شاء الله تعجبكم )

 

 

هنا سويت ميني بيتزا =)

 



 

2

 

 

3

 

 

4

 

 

 وخلصنا =)

 

 

هنا سويت سينبون مالح .. حشيت البعض تونه مع طحينه .. والبعض جبنه مع كزبره

 

 

1

 



 

2

 

 

نلفها وونحاول نضغط الطرف الاخير بالف مع العجينه حتى ماتتفكك

 

نقطعها بهالشكل

 

 

وهنا بـ الجبنه ..

 



بعد ماقطعناها =)

 



 

نوزعها بالصينيه وحطيت تحتها ورق زبده ..

 



 

وندخلها الفرن وهو حار .. ومن تحت وبعدين من فوق =)

 

 

وممكن ترا تسونها بلحم مفروم وتصير سينبون عيش باللحم =) او حتى تحشونها بمكونات بيتزا وتصير سينبون بيتزا .. الحشوات اختياريه وعلى ماتحبين بس الحركه حلوه واسهل من التشكيل بالقطاعات =)

 

وعليكم بـ العافيه .. ولاتنسوني من دعوتكم .. =)

محشي الملفوف + صينية الخضار المقليه .. =)

 

زووم من قريب للتعذيب P: 

 

+

 

 

(طريقة صينية الخضار المقليه )

بطاطس + باذنجان + كوسه + جزر ( وكلها مقطعه اصابع ومقليه )

بصل مقطع جوانح

بهار ( نص ملعقه كاري + نص ملعقه كزبره مطحونه + شوي فلفل اسود مطحون

+ شوي كمون ) +مكعب ماجي

وملعقتين خل + كزبره خضرا مفرومه

 

==

 

نكشن البصل بشوي زيت

 

 

نضيف البهار والماجي ونقلب وبسرعه نحط مقدار بسيط مويه حاره حتى ماينحرق البهار والماجي ..

 

نضيف الخل ملعقتين بس  .. ويكون خل ابيض ..

 



ونضيف الكزبره ..

 



نضيف الخضار المقليه ونقلبها شوي لين يتوزع الخل والبهار فيها  .. ونطفي عليها

 

نحط الخضار بصينيه ..

 

ونسوي صوص القشطه والجبن ( علبة قشطه + ملعقه مايونيز

+ ملعقتين او ثلاث جبن سايل )

 

نوزع الصوص ع الوجهه ونفرم كزبره ونحطها ع الوجهه او لو تحبون كراث او بصل اخضر على حسب الموجود

 

وندخلها الفرن من فوق بس لين يتماسك الصوص ..

 

ونطلعها وتقدمونها مع  مكرونه بيضا او خبز لبناني .. =)

 

وبالعافيه على قلوبكم .. ولاتنسونا من دعواتكم .. =)

كيكة الاوريو او تشيز الاوريو بطريقتي + كيكة اللبن .. =)

 

               كيكة  الاوريو ..  + طريقة كيكة اللبن  =)

 

 

 

  تبردينها اقل شي ست ساعات  او ثمنيه ساعات بالكثير

 

  وبالعافيه :)

 



حلى الزولات والرفلات .. السهل عندنا والصعب حولينا =)

 

هذا الحلى الاسهل والاكشخ  والاروع .. للرفلات والزولات ..

 

المقادير ::

 

كرتون معمول مثل ذا البطل او اي نوع من البقاله بخمسه ريال

( بتعلمكم ان الحلى مايكلف )

 

+

عشر حبات كيري او 11 او حتى سبعه حبات على حسب العدد المتوفر (بس لايصير اقل من سبعه ) واذا كان سبعه حطو ثلاث ارباع  علبة النستله واذا اكثر العلبه كلها + علبة نستله

 

وبسسس =)

 

 نقطع حبات المعمول بهالشكل بالسكين .. واذا تبون الحلى بصينيه حطوه على طول بالصينيه .. او  حطوه بزبديه عشان نخلطه مع خلطه اذا نبيه با اوراق الكب كيك ..

 

 بعد مانقطع المعمول نخلط الكيري مع النستله  ..

 

 هنا اضفته على المعمول بزبديه عشان اوزعه باوراق الكب كيك

 

نحركه لين يشرب المعمول كل الخلطه ..

نوزعه بملعقه صغيره باوراق الكب كيك ونضغط با اصباعنا وجهه الحلى حتى يروح للاطراف ..وندخله الفرن من تحت عشر دقايق او لين تحسونه تماسك المهم خليكم قريب من الفرن ومن بعدها من فوق لين يتماسك الوجهه 

 

 واذا كان بصينيه نحط الخلطه على طول فوق المعمول ونساوي بطرف الملعقه وونوزع الخلطه ونتاكد ان الخلطه دخلت بين حبات المعمول ..

 

 

ولو حابين تضيفون شكل سو خطوط هيرشي كذا قبل مايدخل الفرن ..  وندخله الفرن من تحت شوي تقريبا 10 دقايق ومن فوق بس لين يتمساك دقايق .. ولو ماعندكم هيرشي اذا طلع من الفرن حطو فليك مفتت ع الوجهه او جالكسي مبشور ..

او تذوبون سنكرز بحمام مائي او مارس وتخلطونه مع نص علبة قشطه وتحطونها بعد الفرن ع الوجهه ..

ع العموم مسألة تزين الوجهه ع حسب ذوقك او قدميه ساده عادي .. واذا برد قطعوه وبالعافيه :)

هنا شلت عنه ورقة الكب كيك شوفو كيف متماسك  ..

 

وهنا زينته بـ برش جالكسي وهيرشي ..

 

وهنا حطيت سنكرز مخلوط بقشطه وحطيته ع الوجهه .. ولكم حرية اختيار التغطيه او مو ضروريه ..

 

وبالعافيه البربره كثيره بس عشان اشرح بالتفصيل الملل

بس بختصار الوصفه سهله :)