بيتزا البرغر ... شكل غير وطعم غير p:

 

المقادير : اي عجينه معتمدتها  يا تكون تخمير او سائله .. بس عجينة التخمير احلى .. والعجينه السائله اسرع  ..  ولكم الاختيار ..

 

==

نحضر كشنة البرغر .. المقادير :: اربع حبات برغر دجاج تقلينها بزيت خفيف بصاج ع الوجهين لين تتحمر وتستوي .. حبتين طماطم او ثلاث مقطعه  انصاف حلقات او مربعات .. بصل مقطع حلقات .. شوية بهار ( ربع ملعقه كزبره مطحونه + ربع ملعقه كاري+ ربع ملعقه  كركم ) + مكعب ماجي + فص ثوم كبير مفطع شرايح + فلفل اخضر مقطع شرايح (اختياري الفلفل )

 

الطريقه بالصوور .. :)

  

بعد ماتستوي حبات البرغر .. نقطعها  بهالشكل ..

 

 نحط البصل بالصاج مع زيت لين يتحمر شوي ..

 

نحط البهار ع البصل مع الثوم والفلفل والماجي ونقلب بسرعه ونحط ملعتين مويه حتى ماينحرق البهار ..

 

نحط الطماطم ونقلبه شوي مع البهار ..

 

 

ونحط ع الطماطم قطع البرغر ونقلبه لين يتوزع البهار فيه ولو كان فيه مويه بالكشنه قلبيها لين تنشف شوي

 

نطفي عليه ونكون فاردين عجينتنا بالصينيه .. نوزع الكشنه ع الوجهه ونحاول نفرق بين حبات البرغر لاتجي فوق بعض وبعد مانوزعها نضغط شوي بالملعقه ع حبات البرغر عشان تتماسك مع العجينه ..

 

وندخلها الفرن من تحت لين تستوي العجينه .. وبعدها من فوق شوي تتحمر ..

 

  وعليكم بالف عافيه .. =)