تارت مالح ,, بصينية الكب كيك ولكن .. مقلوبه !

 

صباحكم خير ,, والله يتقبل صيامكم وقيامكم في هذي الايام الفضيله ..

 

 

هالتارت بـ المره سهل وحركته غريبه .. تستاهل التجربه .. :)

 

المقادير :: بف باستري + حشوة بطاطس مسلوقه ومكشنه ببهار كاري ( تكشنين البصل .. وتكونين حااطه بالخلاط كزبره خضرا وفص ثوم وحبه طماطم صغيره وواحد فلفل اخضر ) اخلطيهم واول مايتحمر البصل حطي الي بالخلاط ع البصل وعليهم نص مكعب ماجي ونص ملعقه كاري وربع ملعقه كركم لين تبدا تتسبك الكشنه حطي البطاطس المسلوقه قلبيهم مع بعض لين ما يتوزع البهار في البطاطس وبس ) + حشوة جبن شيدر مع جزر مبشور وزيتون

 

الطريقه بالصور .. وراح اوضحها اكثر بالكتابه  :)

 

نجيب صينية الميني كب كيك ونقلبها .. وناخذ حبة بف باستري ونقطعها لاربع قطع ونوزعها بـ قفى الصينيه مثل ماهو واضح ..

وندخلها الفرن وهو حار ولين تتنفخ البفات ووتحمر نطلعهم من الفرن .. ننتظر حتى تبرد البفات  ..

 

 ونقلبها ونحطها على وجهه الصينيه ونبدا نحشيها .. انا سويت صينيتن .. وحده خليتها شيدر ووحده بطاطس بالكاري ..

 

 للمعلوميه .. البطاطس حطيتها بكيس نايلون وفكيته من الطرف وحشيت البفات حتى يسهل علي التوزيع .. وبعد ما نخلص من الحشو ممكن تتقدم او لو حابه حمريها شوي من فوق في الفرن وانا افضلها محمره في الفرن من فوق ..

 

 

سهله وماتاخذ وقت .. جربوها وادعولي .. :)